نظام الطيبات قلب السوشيال ميديا…ناس شايفاه أمل، وناس شايفاه خطر، وناس مش فاهمة أصلًا تاكل فراخ ولا بطاطس ولا نوتيلا ولا تشرب مية ولا تعمل إيه.

في الحلقة دي من للرجال فقط دخلنا في واحد من أكثر المواضيع جدلًا هذه الأيام: نظام الطيبات للدكتور ضياء العوضي رحمه الله.

معانا في الحلقة Tarek Berjaoui، آخر شخص استضاف دكتور ضياء قبل وفاته، وشخص جرب النظام وسمع منه مباشرة وشاف تأثيره على ناس قريبة منه.ومعانا كمان دكتور مو إسماعيل، اللي دخل النقاش من زاوية طبية وعلمية، وطرح ملاحظاته على فكرة تعميم النظام، السكر، الفراخ، البيض، القمح، الصيام، مرضى السكر، والاعتماد على التجارب الشخصية كدليل طبي.

الحلقة مش هجوم على دكتور ضياء رحمه الله، ولا دفاع أعمى عن أي نظام.هي محاولة نفهم:هل نظام الطيبات فعلاً ممكن يساعد بعض الناس؟هل المشكلة في النظام نفسه ولا في طريقة الناس اللي بتاخد منه مقاطع وتطبقها بدون فهم؟هل ينفع أي مريض سكر أو ضغط أو سرطان يجربه من نفسه؟وهل الطب الحديث ظلم دكتور ضياء؟ ولا الناس محتاجة تسمع التحذيرات قبل ما تتعامل مع التغذية كأنها علاج لكل شيء؟

وطبعًا، لأننا في للرجال فقط، النقاش الجدي مستحيل يعدي بدون صالح، منذر، طارق، ضحك، مقاطعات، فراخ مظلومة، ونوتيلا دخلت في الحوار بدون استئذان.

رحم الله الدكتور ضياء العوضي، ونسأل الله أن يجعل علمه وما نفع به الناس في ميزان حسناته.اكتبوا رأيكم في التعليقات باحترام: هل جربتوا نظام الطيبات؟ وهل فعلاً حسيتوا بفرق؟

تنويه مهم:كل ما يذكر في الحلقة هو نقاش وتجارب وآراء ولا يعتبر نصيحة طبية. أي شخص عنده مرض مزمن أو يستخدم أدوية، خصوصًا مرضى السكر والضغط والكلى والقلب، لازم يستشير طبيب مختص قبل تغيير نظامه الغذائي أو إيقاف أي دواء.