ក្នុងរយៈពេលប៉ុន្មានថ្ងៃនេះ ប្រជាពលរដ្ឋ បានសម្រុក ទៅដកប្រាក់ចេញពីធនាគារឯកជនមួយ នៅភ្នំពេញ ដែលមានឈ្មោះថា APD នាំឱ្យធនាគារនោះ មិនមានសាច់ប្រាក់គ្រប់គ្រាន់ សម្រាប់បើកជូនអតិថិជនរបស់ខ្លួន។ ប៉ុន្តែករណីនេះ ត្រូវបានលោកស្រី ជា សិរី អគ្គទេសាភិបាល ធនាគារជាតិនៃកម្ពុជា បានចេញមុខ មកប្រកាស តាមខ្លីបវិដេអូ ពន្យល់បកស្រាយពីប្រតិបត្តិការរបស់ប្រព័ន្ធធនាគារ និងបានបញ្ជាក់អះអាងយ៉ាងច្បាស់ថា ធនាគារនៅកម្ពុជា ពេលនេះ នៅរឹងមាំទាំងអស់។