នៅជ្រុងម្ខាង លើសួនច្បារមុខវត្តបទុមវត្តី ខាងត្បូងព្រះបរមរាជវាំង ក្នុងរាជធានីភ្នំពេញ ផ្ទាំងគំនូរ “សិល្បៈដើម្បីសន្តិភាព” នៅតែតាំងបង្ហាញមហាជនឱ្យចូលទស្សនា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ផ្ទាំងគំនូរ ដើម្បីសន្តិភាព បានបើកសម្ពោធជាផ្លូវការ កាលពីល្ងាចថ្ងៃទី៣ ខែមីនា ឆ្នាំ២០២៦។ ផ្ទាំងគំនូរនេះ មានទទឹង ៥ម៉ែត្រ បណ្ដោយ ៣៥ម៉ែត្រ ដែលសិល្បករស្រីប្រុស មានទាំងព្រះសង្ឃផង បានប្រើពេលគូរ ១២ថ្ងៃ ដើម្បីបង្ហាញពីការឈឺចាប់ ការប្រមាថ ការមើលងាយ ការជាន់ឈ្លី ការធ្វើទុក្ខបុកម្និញ និងរឿងអយុត្តិធម៌រាប់មិនអស់ ក្នុងភ្លើងសង្គ្រាម ដែលថៃ បានបង្កឡើង លើទឹកដីកម្ពុជា កាលពីខែធ្នូ ឆ្នាំ២០២៥។