កាលពីថ្ងៃទី១៧ ខែមីនា ឆ្នាំ២០២៦ អ្នកនាំពាក្យរាជរដ្ឋាភិបាល បានប្រកាសថា ជាការតបស្នងចំពោះការលះបង់ដ៏ថ្លៃថ្លារបស់យុទ្ធជនកម្ពុជា ដែលបានពលី នៅក្នុងសង្គ្រាមជាមួយថៃ កាលពីខែធ្នូ ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានដាក់ចេញគោលនយោបាយ និងយន្តការជាច្រើន ដើម្បីជួយសម្រួលដល់ក្រុមគ្រួសាររបស់យុទ្ធជនពលី ដូចជា ការផ្តល់ជូនមុខរបរចិញ្ចឹមជីវិត ការស្រោចស្រង់សមាជិកគ្រួសារ ការផ្តល់អាហារូបករណ៍ដល់កូនៗ ឱ្យបានសិក្សា រហូតដល់កម្រិតបរិញ្ញាបត្រ ការរៀបចំឥណទានសាជាថ្មី ការដោះស្រាយបំណុល ជូនវីរយុទ្ធជន ក្នុងសមរភូមិ ថែមទាំងមានការគិតគូរ រហូតដល់ការបង្កើតជាមូលនិធិសម្រាប់ជួយទ្រទ្រង់ដល់ក្រុមគ្រួសារវីរយុទ្ធជនពលីថែមទៀតផង។