តុលាការកំពូល នឹងប្រកាសសេចក្តីសម្រេចលើសំណុំរឿងលោករ៉ុងឈុន នៅថ្ងៃទី១៩ ខែមិថុនា

កាលពីថ្ងៃទី១៥ ខែមិថុនា តុលាការកំពូល បានបើកសវនាការ លើបណ្តឹងសារទុក្ខរបស់លោក រ៉ុង ឈុន ទីប្រឹក្សាគណបក្សកម្លាំងជាតិ។ លទ្ធផលនៃសវនាការលើអ្នកនយោបាយបក្សប្រឆាំងនេះ នឹងត្រូវតុលាការកំពូល ប្រកាសនៅថ្ងៃទី១៩ ខែមិថុនា។ លោក រ៉ុង ឈុន ជាអ្នកនយោបាយបក្សប្រឆាំង បានប្តឹងជំទាស់នឹងសាលក្រមរបស់តុលាការ ដែលបានផ្តន្ទាទោសលោក ដាក់ពន្ធនាគាររយៈពេល ៤ឆ្នាំ និងដកសិទ្ធិនយោបាយរបស់លោករ៉ុងឈុន អស់មួយជីវិត។ ពោលគឺលោករ៉ុងឈុន មិនអាចបោះឆ្នោត និងមិនអាចឈរឈ្មោះឱ្យគេបោះឆ្នោតបានឡើយ។