កម្ពុជា អះអាងថា មិនមានការចាំបាច់ ត្រូវចរចាជាមួយថៃ ដើម្បីបង្កើតកិច្ចព្រមព្រៀងទ្វេភាគីថ្មីណាមួយទៀតឡើយ

អ្នកនាំពាក្យរាជរដ្ឋាភិបាល នៅក្នុងសេចក្តីថ្លែងការណ៍ប្រចាំថ្ងៃ កាលពីព្រឹកថ្ងៃទី១១ ខែឧសភា បានប្រកាសជំហរច្បាស់លាស់ថា រាជរដ្ឋាភិបាលកម្ពុជា ដឹកនាំដោយលោក ហ៊ុន ម៉ាណែត មិនមានការចាំបាច់ ត្រូវចរចាជាមួយថៃ ដើម្បីបង្កើតកិច្ចព្រមព្រៀងទ្វេភាគីថ្មីណាមួយទៀតឡើយ។ ជំហររបស់កម្ពុជាដូច្នេះ គឺក្រោយពីថៃ បានសម្រេចលុបចោលជាឯកតោភាគីលើអនុស្សារណៈយោគយល់គ្នា ឬ MOU 2001 ស្តីពីព្រំដែនសមុទ្រត្រួតស៊ីគ្នា។