အေးစက်လှတဲ့ ဆောင်းရာသီရဲ့ အလယ် ဒီဇင်ဘာကနေ ဖေဖော်ဝါရီလအတွင်းမှာ ငွေစင်ရောင် ပွင့်ဖတ် လွှာတွေကြားထဲကနေ ရွှေဝါရောင်ခွက်ငယ်လေးတစ်ခု ဝင်းပလာသလို ထူးထူးခြားခြား ပွင့်လန်းတတ်တဲ့ ပန်းလေးတစ်မျိုး ရှိပါတယ်။ အဲ့ဒီပန်းလေးဟာ ငွေရောင်ပလ္လင်ပေါ်မှာ ရွှေခွက်တင်ထားသလို အလှချင်းပြိုင် နေတာကြောင့် 'ရွှေခွက်ငွေပလ္လင်' လို့လည်း လူသိများကြတဲ့ 'ရေနတ်သမီးပန်း' ပဲ ဖြစ်ပါတယ်။

ရှေးစာဆိုတွေကတော့ ဒီပန်းလေးရဲ့ သန့်ရှင်းစင်ကြယ်တဲ့ အလှတရားကို 'လှိုင်းထဲက နတ်သမီး' လို့ တင်စား ချီးကျူးခဲ့ကြပါတယ်။ နှစ်ပေါင်း ၁၀၀၀ ကျော် သမိုင်းကြောင်းရှိခဲ့တဲ့ ဒီပန်းလေးဟာ တရုတ်နှစ်သစ်ကူး ကာလမှာ မင်္ဂလာရှိခြင်း၊ စည်ပင်သာယာခြင်းနဲ့ 'အဟောင်းကိုစွန့်လို့ အသစ်ကိုကြိုဆိုခြင်း' ဆိုတဲ့ နိမိတ်ကောင်းတွေကို ဆောင်ယူလာပေးတတ်ပါတယ်။

ဒီပန်းလေးနဲ့ပက်သတ်ပြီး ဒဏ္ဍာရီထဲမှာတော့ လူသားနဲ့ ချစ်ကြိုက်မိလို့ နတ်ပြည်ကိုစွန့်ပြီး လူ့လောကကို ဆင်းသက်လာခဲ့တဲ့ နတ်သမီးလေးတစ်ပါးအဖြစ် ယုံကြည်ခဲ့ကြသလို၊ ဆေးဘက်ဝင် ဂုဏ်သတ္တိတွေကြောင့် လည်း ယနေ့တိုင် တန်ဖိုးထားနေကြဆဲပါ။

ဒီနေ့မှာတော့ ဖူကျန့်ပြည်နယ်ရဲ့ ဂုဏ်ယူစရာ သင်္ကေတတစ်ခုဖြစ်သလို နှစ်သစ်ကူးရဲ့ ပျော်ရွှင်မှုတွေကို ရနံ့သင်းသင်းလေးနဲ့ သယ်ဆောင်လာပေးမယ့် 'ရေနတ်သမီးပန်း'လေး အကြောင်းကို ဇာတ်လမ်း Z-Lann ရဲ့ 'ရာသီမသိ ပန်းနဲ့ညှိ' အစီအစဉ်ကနေ တင်ဆက်ပေးသွားမှာပဲ ဖြစ်ပါတယ်။

#ZLann #ZLann_Podcast #ရာသီမသိပန်းနဲ့ညှိ #ဆောင်းအလှတိုးပန်း ရေနတ်သမီး

"ဆောင်းအလှတိုးပန်း ရေနတ်သမီး"